28 yoshli ayolga bir yigitni «isitib» berishni va’da qilgan «sehrgar» ushlandi
Yolg‘on ishlatib bir ayolni chuv tushirgan va tilla hamda pullarini olgan «sehrgar»ga nisbatan jinoiy ish qo‘zg‘atildi. Bu haqda Toshkent IIBB axborot xizmati xabar bermoqda.
Ma’lum qilinishicha, Mirobod tumani IIO FMBga 28 yoshli Zilola A. murojaat qildi. U o‘z arizasida unga bir yigitni «isitib» berishni va’da qilgan 20 yoshli Valentina S.ga nisbatan chora ko‘rishni so‘radi.
Valentina S. o‘z «xizmatlari» uchun Ziloladan 450.000 so‘m va umumiy qiymati 32.890.000 so‘m bo‘lgan tilla taqinchoqlar olgan. Ammo «sehrgar» o‘z va’dasida turmasdan, pullarni ehtiyojiga sarflab yuborgan. Ushbu fakt asosida O‘zbekiston Respublikasi Jinoyat kodeksining 168-moddasi («Firibgarlik») bo‘yicha jinoiy ish qo‘zg‘atildi.
«Hurmatli fuqarolar, agar siz firibgarlik qurboni bo‘lgan bo‘lsangiz huquqni muhofaza qiluvchi organlarga murojaat qiling», deyiladi IIBB xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter