Chirchiq aholisi shartli evakuatsiya qilindi
Toshkent viloyati Chirchiq shahridagi «Maksam-Chirchiq» AJ hududida sizib chiqayotgan ammiak kislotasi aholi yashash sektorlariga tarqalib, ularni zaharlamasligi uchun aholi xavfsiz hududga evakuatsiya qilingan.
Mazkur hodisa hududlarda favqulodda vaziyatlarning oldini olish, ularni bartaraf etish va zararini kamaytirish bo‘yicha o‘tkazilayotgan qo‘mondonlik-shtab o‘quv mashqlari davomida shartli ravishda tashkil qilingan.
Shuningdek, Qibray tumanida joylashgan bino shartli zilzila ta’sirida «vayron» qilinib, u yerda qolib ketgan fuqarolarni qutqarish, ularni xavfsiz joyga ko‘chirish, birinchi tibbiy yordam ko‘rsatib, eng yaqin davolash muassalarga yetkazilishi kabi harakatlar amalda sinovdan o‘tkazilgan.
Eslatib o‘tamiz, avvalroq Toshkent xalqaro aeroportida old shassisi ochilmay, yong‘in chiqqan samolyotda qutqaruv ishlari olib borilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter