Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Otabek Umarov Saida Mirziyoyevaga tabrik yo‘lladi

Otabek Umarov Saida Mirziyoyevaga tabrik yo‘lladi

Foto: @umarov_otabek

O‘zbekiston Respublikasi Prezidentining kenja kuyovi Otabek Umarov 4 noyabr kuni o‘z tug‘ilgan kunini nishonlayotgan Axborot va ommaviy kommunikatsiyalar agentligi direktor o‘rinbosari Saida Mirziyoyevaga tabrik yo‘lladi.

Foto: @umarov_otabek

«Hurmatli Saidaxon, tug‘ilgan kuningiz bilan chin dildan tabriklayman! O‘zingizga bo‘lgan ishonch va iroda hech qachon tark etmasin! ⠀

Mukamallikka intilish – hayotingiz mazmuni ekan, oldingizga qo‘ygan maqsadlarga erishish yo‘lidagi barcha qiyinchiliklar doim ortga chekinsin. ⠀

Siz men uchun qadrli bo‘lgan akajonimning quvonchi, suyukli rafiqasisiz. Farzandlaringiz Miromon va Saodatxonlar doimo o‘z yutuqlari bilan ko‘nglingizni tog‘dek ko‘tarib yurishlariga tilakdoshman! ⠀

Omad, quvonch va mehr hayotingizda hamisha hamroh bo‘lsin», deyiladi tabrikda.

O‘zbekiston Respublikasi Prezidentining to‘ng‘ich qizi Saida Mirziyoyeva 1984-yil 4-noyabrda Farg‘ona viloyati Qo‘qon shahrida tug‘ilgan.

2006-yili Jahon iqtisodiyoti va diplomatiya universitetini tugatgan. 2006-2008-yillarda Toshkent davlat yuridik universiteti hamda 2008-2010-yillardan M.Lomonosov nomidagi Moskva davlat universiteti magistranti bo‘lgan.

Saida Mirziyoyeva 2010-2018-yillarda ilmiy tadqiqot faoliyati bilan mashg‘ul bo‘lgan. 2018-yildan hozirga qadar O‘zbekiston Respublikasi Prezidenti huzuridagi Davlat boshqaruvi akademiyasi tadqiqotchisi. Shuningdek, 2018-yildan hozirga qadar M.Lomonosov nomidagi Moskva davlat universitetining Strategik tadqiqotlar markazi ilmiy xodimi hisoblanadi. 

U 2019-yildan e’tiboran O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktor o‘rinbosari lavozimida faoliyat yuritmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring