Pensiya va nafaqalarni tayinlashda yashash joyidan ma’lumotnoma talab qilinmaydigan bo‘ldi
Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni to‘ldirish qoidalari to‘g‘risidagi yo‘riqnomaga o‘zgartirish va qo‘shimchalar kiritish haqidagi buyruq Adliya vazirligida davlat ro‘yxatidan o‘tkazildi (ro‘yxat raqami 2282-6, 17.06.2019-y.) Bu haqda «Huquqiy axborot» kanali xabar berdi.
Mazkur o‘zgartirishlarga muvofiq, farzandi tug‘ilganligi munosabati bilan bola tug‘ilganda beriladigan bir martalik nafaqa tayinlashni so‘rab ariza bilan murojaat qilgan shaxslardan mehnat daftarchasining nusxasi va yashash joyidan ma’lumotnoma talab qilinmaydi.
Shuningdek, yoshga doir pensiya va nafaqalarni, nogironlik pensiyasini, dafn etishga bir martalik nafaqa tayinlashda yashash joyidan ma’lumotnoma talab qilinmaydi.
Boquvchisini yo‘qotganlik pensiyasini tayinlash yig‘majildida O‘lim to‘g‘risida guvohnomaning asli o‘rniga nusxasini taqdim etiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter