Abdulaziz Komilov AQShga boradi va e’tiqod erkinligi tadbirida qatnashadi
O‘zbekiston Respublikasi Tashqi ishlar vaziri Abdulaziz Kamilov boshchiligidagi delegatsiya 2019 yilning 21-29 sentyabr kunlari AQShga tashrif buyuradi. Bu haqda tashqi ishlar vazirligi matbuot xizmati xabar berib o‘tdi.
Delegatsiya BMT Bosh Assambleyasining 74-sessiyasida, jumladan E’tiqod erkinligini himoya qilish Global chaqiruvi taqdimotiga bag‘ishlangan yuqori darajadagi tadbirda, Iqlim ta’sirlari bo‘yicha BMT Sammitida, «Markaziy Osiyo - AQSh» («K5+1») shaklida va Osiyoda hamkorlik va ishonch choralari bo‘yicha kengashining (OHIChK) vazirlar uchrashuvlarida ishtirok etadi hamda Nyu-York shahrida xorijiy mamlakatlar delegatsiyalari bilan qator ikki tomonlama uchrashuvlar o‘tkazadi.
Tashrif dasturida Vashington shahrida AQSh rasmiy shaxslari bilan muzokaralar o‘tkazish va O‘zbekiston-AQSh kun tartibi masalalarini muhokama qilish ham ko‘zda tutilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter