Afrikaning g‘arbida joylashgan Chad davlati sharqidagi Igote mintaqasida ikki oila o‘rtasida suv qudug‘i ustidan janjal kelib chiqdi. Ushbu nizo natijasida kamida 42 kishi halok bo‘ldi. Rasmiylarning ma’lumotlariga ko‘ra, yana 10 kishi jarohat olgan. 

Tchad Infos xabariga ko‘ra, suv manbai ustidagi mojaro tezda viloyatda qasos olish harakatlari sikliga aylandi. 

Vaziyatni hal qilish uchun Prezident Mahamat Idriss Debi Itno mintaqaga yuqori darajadagi missiya yubordi, jumladan ular orasida Bosh vazir o‘rinbosari Liman Mahamat va Mudofaa vaziri Issaka Maloua Djamous  bor edi. Bosh vazir o‘rinbosari bu voqealar «odatiy jamoalararo to‘qnashuvlar emas, balki uzoq davom etgan oilaviy mojaro» ekanligini ta’kidladi. 

Sud jarayonlaridan tashqari, rasmiylar tomonlar o‘rtasida vositachilik qilishni taklif qilishdi. Hukumat qo‘shni Sudandagi beqarorlik tufayli keskinlik kuchayishi mumkinligidan xavotir bildirdi, chunki u yerdan Chadning sharqiy viloyatlariga qochqinlar kelmoqda.