«CNN» orasida «Northwestern» tadqiqot instituti ham bo‘lgan ko‘plab tashkilotlarning ma’lumotlariga tayanib olib borgan tadqiqot natijalarini e’lon qildi. Bu haqda «Sabah» xabar bermoqda.

Tadqiqotga ko‘ra AQShda 2009-yil 1-yanvardan beri jami 288 ta maktabga qurolli hujum uyushtirilgan. AQSh eng rivojlangan 7 ta davlat – «G7» mamlakatlari orasida maktablarga eng ko‘p hujum uyushtiriladigan (boshqa davlatlarga nisbatan 57 foiz ko‘p) davlat ekan.

So‘nggi 9 yil mobaynida AQShda 288 ta, Kanadada 2 ta, Fransiyada 2 ta, Angliyada 1 ta, Germaniyada 1 ta maktabga hujum uyushtirilgan. Yaponiya va Italiyada bunday holat kuzatilmagan.

Dunyo miqyosida 2009-yil yanvardan hozirgacha AQShda 288 ta, Meksikada 8 ta, JARda 6 ta, Hindistonda 5 ta, Pokistonda 4 ta, Nigeriyada 4 ta, Afg‘onistonda 3 ta, Fransiyada 2 ta, Kanadada 2 ta, Braziliyada 2 ta, Turkiya, Gretsiya, Xitoy, Keniya, Ozarbayjon, Germaniya, Mo‘g‘uliston, Rossiya, Estoniya, Hindiston, Vengriyada bittadan maktabga hujum uyushtirilgani aniqlandi.

Ispaniya, Avstraliya, Shveysariya, Italiya, Yaponiya, Hollandiya, Argentina, Angliya va O‘zbekistondagi maktablarga umuman hujum uyushtirilmagan.