Erondagi aviahalokat: shu vaqtgacha 45 marhum aniqlandi
Samolyot Isfahon viloyatida halokatga uchrab, uning bortidagi 66 kishi halok bo‘lgan.
Erondagi aviahalokatda qurbon bo‘lganlardan 45 nafarining jasadi topilgan. Bu haqida mahalliy vakillarning ma’lumotlariga asoslanib, «Press TV» xabar bergan, deb yozmoqda «RIA Novosti».
Avvalroq halokat sodir bo‘lgan joydan 30 kishining jasadi topilgani haqida xabar berilgandi.
Marhumlarni qidirish ishlari dengiz sathidan 4,5 ming metr balandlikda, 2 metr qor bilan qoplangan tog‘da amalga oshirilayotgani o‘ziga xos qiyinchiliklar tug‘dirmoqda. Bundan tashqari qidiruv ishlariga yuzdan ziyod qutqaruvchi, yettita vertolyot ham jalb qilingan.
Ma’lumki, o‘tgan yakshanba kuni Tehrondan Yasuj shahriga uchayotgan ATR-72 samolyoti parvozdan 50 daqiqa o‘tgach radarlardan yo‘qolib qolgandi. Samolyot Isfahon viloyatida halokatga uchrab, uning bortidagi 66 kishi halok bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter