«Qo‘y» niqobidagi qochoqlar chegarada ushlandi
Jazoirda qo‘y qiyofasiga kirib, mamlakatni tark etmoqchi bo‘lgan uch nafar erkak politsiya tomonidan qo‘lga olindi, deb xabar berdi Alkalima Online nashri.
Ma’lum qilinishicha, qochoqlarning maqsadi chegarani kesib o‘tib, Ispaniyaga yetib olish bo‘lgan.
Uddaburon erkaklar eksport qilinayotgan qo‘ylar orasiga yashirinib, hayvonlar bilan imkon qadar «uyg‘unlashishga» harakat qilishgan. Biroq, huquq-tartibot idorasi xodimlari hayvonlar orasidagi shubhali harakatlarni sezib qolishgan. Yuk mashinasi sinchiklab ko‘zdan kechirilganda, qo‘y niqobi ostidagi odamlar fosh etilgan.
Qo‘lga olinganlar 25-30 yoshlardagi erkaklar ekani aytilmoqda. Ushbu g‘ayrioddiy va yuqori tavakkalchilikka asoslangan voqea nafaqat mahalliy, balki xorij matbuoti e’tiborini ham o‘ziga tortdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter