Riberi futbol o‘ynayotganida uyini o‘g‘ri urib ketdi
«Fiorentina»ning fransiyalik yarimhimoyachisi Frank Riberining Florensiyadagi uyiga o‘g‘ri tushdi. Noma’lum shaxslar uyiga «tushganida» Riberi Parmaga ketgan, shu nomdagi klubga qarshi to‘p surayotgandi.
Florensiyaliklar Parmadan 2:1 hisobidagi g‘alaba bilan qaytishdi.
Uyiga kelgan Riberining g‘alaba kayfiyatidan asar ham qolmadi: qimmatbaho buyumlar va ayrim boshqa narsalar yo‘qolgandi. Yetkazilgan moddiy zararning aniq qiymati ochiqlanmagan.
Riberi 2019-yil yozidan beri «binafshalar» sharafini himoya qilib qilyapti. 37 yoshli fransuz shu paytgacha Italiya «A» seriyasida 15 o‘yin o‘tkazib, uchta gol urgan, ikkita golga assistentlik qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter