Oqto‘bada yongan o‘zbeklar xotirasi uchun 52 daraxt ekildi
Ostona shahridagi O‘zbekiston elchixonasi va «Oltin o‘rda» biznes-klubi vakillari Oqto‘bada avtobusda yonib ketgan O‘zbekiston fuqarolari xotirasi uchun 52 tup daraxt ekishdi. Bu haqda «Kazinform» agentligi xabar berdi.
— Fojiali voqeada Qozog‘iston hukumati va xalqi katta yordam ko‘rsatdi, — dedi O‘zbekistonning Qozog‘istondagi elchisi Saidikrom Niyozxo‘jayev. — Bugungi mazkur xayrli ish ikki mamlakat o‘rtasidagi do‘stona muhitdan darak beradi. Bu haqda qurbon bo‘lganlarning oila a’zolariga yetkazishimiz kerak.
Eslatib o‘tish kerak, 2018-yilning 18-yanvar kuni Qozog‘istonning Oqto‘ba viloyati Irg‘iz tumanida avtobusda yong‘in sodir bo‘lishi oqibatida 52 kishi halok bo‘lgani va 5 kishi jabrlangani haqida xabar bergan edik. Halok bo‘lganlarning asosiy qismi Namangan viloyatidan ekani, shuningdek, marhumlar orasida Andijon, Farg‘ona, Surxondaryo, Toshkent viloyatlari va Toshkent shahrida yashaganlar ham bor edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter