O‘zbekiston olimpiya terma jamoasi 2018-yilning 18-avgustidan 2-sentyabrga qadar Indoneziyada bo‘lib o‘tadigan yozgi Osiyo o‘yinlariga tayyorgarlik ko‘rish maqsadida Turkiyaning Kartepe shahrida o‘quv-mashg‘ulot yig‘inini o‘tkazmoqda.

O‘FA rasmiy sayti bergan xabarga ko‘ra, yig‘in davomida Ravshan Haydarov shogirdlari O‘mon olimpiya terma jamoasiga qarshi nazorat uchrashuvida maydonga tushdi.

O‘yin davomida to‘liq ustunlik o‘zbekistonlik futbolchilar tomonida bo‘ldi va yakunda O‘zbekiston olimpiya terma jamoasi O‘monni 3-0 hisobida mag‘lubiyatga uchratdi.

Terma jamoamiz tarkibida gollarni Aziz Turg‘unboyev, Zabihillo O‘rinboyev hamda Jasur Yaxshiboyevlar kiritishdi. Olimpiya terma jamoamiz Ummon OTJga qarshi o‘yinni quyidagi tarkibda o‘tkazdi:

O‘zbekiston OTJ: Rahim Davronov (Umid Ergashev, 70), Doston Tursunov, Abbos Otaxonov, Akrom Komilov (Husniddin G‘ofurov, 82), Doniyor Narzullayev (Islom Kenjaboyev, 82), Xurshid G‘iyosov (Oston O‘runov), Jasur Yaxshiboyev (Islom Qobilov, 82), Aziz Turg‘unboyev (Bobur Abduholiqov, 62), Zabihillo O‘rinboyev (Andrey Sidorov, 70), Ikrom Aliboyev (Oybek Rustamov, 82).