Jahon iqtisodiyoti va diplomatiya universitetida bir talabaga to‘g‘ri keladigan kontrakt 15 foizga oshirildi. Kuzatuv kengashining ushbu qarori haqida universitet matbuot xizmati xabar berdi.

Yangilangan kontrakt summalari:

Bakalavriat:

• 1-2-bosqich talabalari uchun stipendiyasiz kontrakt summasi – 33 mln 750 ming so‘m, stipendiyali kontrakt — 40 mln 586 ming so‘m
• 3-4-bosqich talabalari uchun esa stipendiyasiz kontrakt —27 mln 301 ming so‘m, stipendiyali kontrakt — 34 mln 137 ming so‘m etib belgilangan.

O‘zbekistonda doimiy yashash hujjatiga ega, universitetning bakalavriatida tahsil oladigan xorijiy talabalar 38 million 400 ming so‘m, viza bilan kelgan xorijiy talabalar 44 million 800 ming so‘m to‘laydi.

Magistratura talabalari uchun kontrakt summasi — 34 mln 560 ming so‘m, har oy stipendiya olmoqchi bo‘lganlar uchun — 41 mln 396 ming so‘m etib belgilandi.

Xabarga ko‘ra, universitetning o‘ziga xos xususiyatlarini inobatga olgan holda, raqobatbardosh kadrlarni tayyorlash va ta’lim sifatini yuqori darajada saqlab turish maqsadida kechki, sirtqi va masofaviy ta’lim shakllari yo‘lga qo‘yilmagan, shu sababli universitetning moliyaviy barqarorligining katta qismi kunduzgi ta’lim shakli to‘lov-kontrakt hisobidan amalga oshirilmoqda.