Eronda 8 nafar IShID a’zosi o‘lim jazosiga hukm qilindi
O‘tgan yili Eron parlamentiga hujum uyushtirgan 8 nafar IShID a’zosi o‘lim jazosiga hukm qilindi. Bu haqda «Sabah» xabar bermoqda.
Eron davlat televideniyesiga intervyu bergan Tehron sudi boshlig‘i Gazanfar Abodiy o‘tgan yili Eron parlamentiga hujum uyushtirgan 8 nafar IShID a’zosi o‘lim jazosiga mahkum etilganini aytdi.
Yana 18 nafar IShID a’zosi bo‘lgan ayblanuvchining sudi davom etmoqda.
2017 yili Eron parlamenti hamda Oyatulloh Humayniyning qabri oldida bomba portlatilishi oqibatida 17 kishi halok bo‘lgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter