NASA Oyga insonni jo‘natishni bir yilga kechiktirdi. Bu haqda AQSh aeronavtika va fazoni tadqiq qilish milliy boshqarmasi (NASA) rahbari Bill Nelson bayonot berdi.

«Artemida« («Artemis») dasturi finali rejalashtirilgan 2024-yildan 2025-yilga ko‘chirilmoqda.

Nelsonning aytishicha, odam yuboriladigan birinchi missiya — «Artemida-2»ga 2024-yilning may oyidan kirishiladi. «Shuning uchun ham insonning Oyga qo‘nishi kamida 2025 yilga suriladi», — dedi u.

Eslatib o‘tamiz, astronavtlarni Oyga yetkazish dasturi («Artemida») uch bosqichdan iborat:

• yangi raketa-tashuvchi «Space Launch System» vositasida «Orion» kemasi fazoga chiqariladi, bortiga odam olmagan bu kema Oyni bir necha marta aylanib, ortiga qaytadi;
• Yerning tabiiy yo‘ldoshiga bortiga ekipaj a’zolarini olgan kema uchadi;
• astronavtlar Oyga qo‘nadi.

Dasturning bosh maqsadi — insonning Oyga xavfsiz qaytishini ta’minlash, qolaversa, Yer yo‘ldoshi kolonizatsiyasi uchun shariotlar yaratish va Oy yaqinida stansiya qurishdir.