Kecha kechqurun tashqi xizmat ko‘rsatuvchi provayderga qilingan kiberhujum butun Yevropa bo‘ylab aeroportlar faoliyatida jiddiy uzilishlarga sabab bo‘ldi. Bu haqda Bild xabar berdi.

Berlinda, xavfsizlik nuqtai nazaridan, tizimlarga kirish to‘liq o‘chirildi, bu esa uzoq navbatlar, kechikishlar va reyslarning bekor qilinishiga olib keldi, deya xabar berdi aeroport ma’muriyati.

Garchi Berlin aeroportining o‘zi to‘g‘ridan-to‘g‘ri hujum nishoniga aylanmagan bo‘lsa-da, yo‘lovchilar buning oqibatlarini his qilishdi: ro‘yxatdan o‘tish va qo‘nish qo‘lda amalga oshirildi, kutish esa soatlab davom etdi. Xuddi shunday vaziyat Bryusselda ham kuzatildi, u yerda rasmiylar jiddiy uzilishlar haqida ogohlantirib, yo‘lovchilarga aeroportlarga vaqtliroq yetib kelishni tavsiya qilishdi.

Londonning Hitrou aeroporti ham «texnik nosozlik» paydo bo‘lganini ma’lum qildi.

Tizimlari Yevropaning ko‘plab havo hablarida qo‘llaniladigan xizmat ko‘rsatuvchi provayder ishni tiklashga harakat qilmoqda.

Aeroportlar ma’muriyati sayohatchilarni safar oldidan reyslar holatini tekshirishga va sabr-toqatli bo‘lishga chaqirmoqda. Bryusseldan kelgan xabarlarga ko‘ra, yechim topilgunga qadar reyslar kechikishi va bekor qilinishi ehtimoli yuqori.