AQSh prezidenti Donald Trampning ommaviy qo‘llab-quvvatlash darajasi keskin pasayib, tarixiy eng past ko‘rsatkichga tushdi. So‘rovlarga ko‘ra, uni qo‘llab-quvvatlash darajasi 35 foizgacha tushgan.

So‘nggi oylarda yuqori narxlar, iqtisodiy noaniqlik, qattiq boj siyosati va tashqi harbiy harakatlar jamoatchilik kayfiyatiga salbiy ta’sir ko‘rsatmoqda.

Shu bilan birga, aholining faqat 38 foizi prezident saylovoldi va’dalarini bajaradi, deb hisoblamoqda. Uchdan ikki qismdan ko‘proq amerikaliklar esa narxlarni tushirish bo‘yicha choralar yetarli emas deb hisoblaydi. 61 foiz fuqaro Trampni «qarorlarini oldindan aniq bashorat qilish qiyin» deb baholagan.

Siyosiy tahlilchilarga ko‘ra, bu holat noyabrda bo‘lib o‘tadigan Kongress saylovlarida respublikachilar uchun jiddiy xavf tug‘dirmoqda.

Ayrim ma’lumotlarga ko‘ra, Oq uyda ehtimoliy mag‘lubiyat ssenariysiga tayyorgarlik boshlangan. Demokratlar parlament nazoratini qo‘lga kiritsa, tekshiruvlar va hatto impichment jarayoni ehtimoli ham istisno qilinmayapti.