Xitoyning sobiq mudofaa vazirlari Li Shanfu va Vey Fengxe poraxo‘rlik uchun ikki yillik kechiktirish bilan o‘lim jazosiga hukm qilindi. Bu haqda «Sinxua» agentligi xabar berdi. 

Shangfu va Fengxe Markaziy harbiy komissiya va Davlat kengashining sobiq a’zolari bo‘lgan. 

Xitoy harbiy sudining qaroriga ko‘ra, Fengxe poraxo‘rlikda, Shanfu esa poraxo‘rlik va pora berishda aybdor deb topildi. Sobiq vazirlar umrbod siyosiy huquqlaridan, jumladan, davlat lavozimlarini egallash, ovoz berish va siyosiy faoliyatda ishtirok etish huquqidan mahrum qilindi. Hisobotda aytilishicha, ularning barcha mol-mulki ham musodara qilinadi. 

«Ikki yillik kechiktirish muddati tugagandan so‘ng, jazo qonunga muvofiq umrbod qamoq jazosiga almashtiriladi va ular jazoni yengillashtirish yoki shartli ravishda ozod qilish imkoniyatisiz umrbod qamoq jazosiga hukm qilinadi», deyiladi xabarda. Xitoyda o‘lim jazosidan kechiktirish noyob huquqiy chora hisoblanadi.  

O‘tgan yilning avgust oyida Xitoy markaziy televideniyesi Xaynan provinsiyasi Xalq Assambleyasi Doimiy qo‘mitasi sobiq raisi o‘rinbosari Lyu Sintay 316 million yuandan (taxminan 44 million dollar) ortiq pora olgani uchun ikki yil shartli qamoq jazosi bilan o‘lim jazosiga hukm qilinganini xabar qildi. 

O‘tgan yil sentyabr oyida Xitoyning sobiq qishloq xo‘jaligi vaziri Tang Renjian ham pora olgani uchun o‘lim jazosiga hukm qilindi.