Yangi bosh vazir sobiq mansabdorlarning «umrbod» imtiyozlarini bekor qildi
Sebastyan Lekornyu.
Fransiyaning yangi tayinlangan bosh vaziri Sebastyan Lekornyu hukumatning sobiq a’zolariga berilgan umrbod imtiyozlar bekor qilinishini ma’lum qildi, deb xabar berdi Brussels Signal.
Hukumatning sobiq a’zolari uchun «umrbod» imtiyozlar 2026-yil 1-yanvardan bekor qilinadi.
«Respublika tahdidga uchrashi mumkin bo‘lgan shaxslarni himoya qilishi shart, ammo ular (sobiq amaldorlar) vaqtinchalik maqom tufayli imtiyozlardan umrbod foydalanishi mumkinligi aqlga sig‘maydi», — dedi yangi bosh vazir.
Fransiya bosh vazirining aniqlik kiritishicha, bunday imtiyozlardan biri politsiya himoyasi bo‘lib, u sobiq bosh vazirlar va ichki ishlar vazirlariga «faqat cheklangan muddatga beriladi va haqiqiy xavfga qarab uzaytirilishi mumkin».
Ma’lumot uchun: Fransiyada hukumatning sobiq a’zolari xizmat avtomobili va haydovchi olish, shuningdek, vakolatlari tugaganidan keyin 10 yil muddatga, lekin 67 yoshiga qadar shaxsiy kotib yollash huquqiga ega.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter