Франциянинг собиқ президенти Николя Саркози ноқонуний сайлов молиялаштириш иши бўйича шартли равишда озод этилди. Бу ҳақда Франциянинг RTL радиостанцияси Париж апелляция судига таяниб хабар берди.

Суд қарорига кўра, 71 ёшли сиёсатчи олти ойлик жазони ўташдан озод қилинди ва унга электрон мослама тақиш талаби ҳам қўйилмади. Қарор 5 май куни қабул қилинган бўлиб, 7 майдан кучга киради.

Гап Саркозининг 2012 йилги президентлик сайлов кампанияси билан боғлиқ «Бигмалион» иши ҳақида бормоқда. Ушбу PR-агентлик орқали кампания харажатлари ноқонуний равишда молиялаштирилгани аниқланган.

2021 йилда суд Саркозини айбдор деб топиб, аввал бир йиллик қамоқ жазоси тайинлаган эди. Кейинчалик жазо енгиллаштирилиб, олти ойлик қамоқ ва уни электрон назорат биллагини тақиш билан алмаштириш имконияти берилган.

Шу билан бирга, Саркози 2007 йилги президентлик кампаниясини молиялаштириш билан боғлиқ яна бир иш доирасида суд жараёнида иштирок этишда давом этмоқда. Унда Ливиянинг собиқ раҳбари Муаммар Қаддафийдан молиявий ёрдам олингани ҳақида айбловлар илгари сурилган.