Фаластиннинг ҲАМАС гуруҳи воситачилар — Миср ва Қатарнинг Ғазо секторида икки ойлик ўт очишни тўхтатиш ва асирга олинган исроилликларнинг ярмини озод қилиш таклифини қабул қилди.

Бу ҳақда ҳаракат вакилларига иқтибос келтирган ҳолда AFP агентлиги, исмини ошкор этмаган мисрлик мулозимга таяниб, Reuters агентлиги хабар бермоқда. Исроил томони бу режага ҳозирча изоҳ бермади. 

Сўнгги маълумотларга кўра, ХАМАСда 49 киши гаровда қолмоқда. Исроил разведкаси улардан 27 нафари ўлган деб ҳисобламоқда. AFP агентлиги манбаси биринчи босқичда гаровга олинган ўн нафар исроилликни озод қилиш, шунингдек, бир нечта жасадларни топшириш таклиф қилинганини айтди. 

“Қолган маҳбуслар иккинчи босқичда озод қилинади, шундан сўнг ниҳоят халқаро кафолатлар билан урушни тугатиш бўйича кенгроқ келишув бўйича зудлик билан музокаралар олиб борилади”, деди агентлик манбаси. Бунинг эвазига Исроил фаластинлик маҳбусларни озод қилади, деб ёзади Reuters. 

Мисрлик манбанинг РИА Новости агентлигига маълум қилишича, келишув Ғазо аҳолисини барча зарур нарсалар билан таъминлаш учун гуманитар ёрдам етказишни ҳам назарда тутади. 

Август ойи ўрталарида ҲАМАС вакили бўлган делегация Мисрга ташриф буюриб, Исроил билан музокараларни қайта бошлашга тайёрлигини маълум қилган эди. ОАВ хабар қилганидек, фаластинлик жангарилар гаровга олинганларни озод қилишдан ташқари, агар Исроил Ғазодан ўз ҳарбийларини олдиндан белгиланган позицияларга олиб чиқса, ўзларининг қуролли қаноти фаолиятини музлатишга рози бўлган.