Телеграм асосчиси халқаро қидирувга берилди — Россия уни терроризмга ёрдам беришда айбламоқда. 

Федерал хавфсизлик хизмати Телеграм асосчиси Павел Дуровни халқаро қидирувга берган. Бу ҳақда Россия оммавий ахборот воситалари хавфсизлик ходимларига (шу жумладан, Телеграмга) таяниб хабар бермоқда. 

Платформа асосчисига қарши қўзғатилган жиноий иш Телеграм каналларининг фаолияти билан боғлиқ бўлиб, ФХХ вакилларининг сўзларига кўра, Украина разведка идоралари улардан бошқа нарсалар қатори террористик ҳужумлар ва саботаж учун фойдаланган.

Россия хавфсизлик ходимларининг таъкидлашича, Телеграм маъмурияти зарарли ресурсларни олиб ташлаш талабларини эътиборсиз қолдирган. 

«Украина разведка ходимлари, аёллар қиёфасида, россиялик эркаклар билан «Дайвинчик» Телеграм хизмати орқали учрашиб, уларни террористик фаолият билан шуғулланишга алдашган». 

2025 йил июл ойидан бери Россияда «Дайвинчик» нинг 46 фойдаланувчиси «Украина разведка идоралари маслаҳати билан ўт қўйиш ва полиция ходимларига ҳужум қилиш»да айбланиб ҳибсга олинган.