Трамп Эрон бўйича режасини маълум қилди
АҚШ президенти Доналд Трамп сўнгги кунларда Эрон бўйича музокаралар олиб боргани ва уларни давом эттиришни режалаштираётганини маълум қилди.
"Менда бу режа бор эди ва мен уларни давом эттиряпман," - деди Трамп журналистларининг саволига жавобан.
Шу билан бирга, Америка етакчиси айнан ким билан ва қачон музокаралар олиб борганига аниқлик киритмаган.
АҚШ президенти, шунингдек, ҳозирда АҚШнинг кўплаб "жуда кучли" кемалари Эронга йўл олаётганини такрорлади. "Уларни ишга солмасак, яхши бўларди," - деди у.
АҚШ президенти Теҳронга қандай талаблар қўйганини ҳам маълум қилди.
"Мен уларга икки нарсани айтдим. Биринчидан, ҳеч қандай ядро қуроли! Иккинчидан, намойишчиларни ўлдиришни тўхтатинг", - деди Трамп.
Аввалроқ АҚШ президенти Эрон ядровий дастури бўйича Вашингтон ва Теҳрон ўртасида ўтказилган дастлабки музокаралар натижа бермаганидан сўнг, Эронга қарши янги кенг кўламли ҳарбий амалий ҳаракатларни кўриб чиқаётгани хабар қилинганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter