Трамп ва Путин Венгрияда учрашиши кутилмоқда
АҚШ президенти Доналд Трамп ва Россия президенти Владимир Путин телефон мулоқоти ўтказди.
16 октябр куни АҚШ ва Россия президентларининг телефон мулоқоти бўлиб ўтди. Бу “самарали бўлди”, деб ёзди Трамп Truth Social ижтимоий медиа платформасида ва Путин ҳамон можарони тинчлик йўли билан ҳал этиш тарафдори эканлигига ишонишини қўшимча қилди.
Икки президент Будапештда учрашишни режалаштирмоқда. Келаси ҳафта Москва ва Вашингтон олий даражадаги учрашув ўтказиши мумкин, унда АҚШ давлат котиби Марко Рубио иштирок этади.
Москва ҳозирча икки президент ўртасидаги суҳбат ва унинг учрашув режаларига изоҳ бермади. Трамп суҳбат якунланганидан кейин Владимир Путин ҳам унинг якуни ҳақида хабар беришини маълум қилди.
Эслатиб ўтамиз, эртага 17 октябр куни куни Трамп Вашингтонда Украина президенти Владимир Зеленский билан учрашади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter