Трамп Венесуэла осмони ёпилганини эълон қилди
«Барча авиакомпаниялар, учувчилар, гиёҳванд моддалар ва одам савдоси билан шуғулланувчилар, илтимос, Венесуэла ва унинг атрофидаги ҳаво кенгликлари тўлиқ ёпилганини инобатга олинг. Ушбу масалага эътиборингиз учун ташаккур!», — АҚШ президенти Доналд Трамп Truth Social ижтимоий тармоғидаги навбатдаги постида шу жумлаларни жойлаштирди.
Ўтган ҳафта Вашингтон Венесуэла қирғоқларига дунёдаги энг кучли ва замонавий «Жералд Форд» авиаташувчисини юборди, ундан олдинроқ эса Пуэрто-Рико ҳудудида Америка ҳарбийлари десант тушириш ва стратегик бомбардимончи самолётлар зарбаларини имитация қилувчи машғулотлар ўтказганди.
Шунча ҳаракат наркотрафикка қарши курашиш шиори остида кечмоқда, аммо АҚШнинг асл мақсади Венесуэла президенти Николас Мадурони ағдаришдир, дейишмоқда экспертлар.
Буни яхши тушунган Мадуро ноябр ойи бошида қуруқлик, денгиз, ҳаво ва ракета қўшинларининг кенг кўламли сафарбарлигини эълон қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter