Инқироз аломатлари пайдо бўлди — ОПЕК
Нефт экспорт қилувчи давлатлар ташкилоти — ОПЕК бош котиби Ҳайсам ал-Ғайс қишда юз беражак энергия инқирози аломатлари пайдо бўлганидан огоҳлантирди.
«Бу қиш потенциал энергия инқирози юз бериши аломатлари пайдо бўлганини кўряпмиз. Бироқ инқироз қандай кечиши менга қоронғу», — деди у Bloomberg агентлиги учун интервюсида.
Бўлғуси энергия инқирозининг аломатлари — Европа мамлакатларида газ ва электр энергияси нархларининг ҳамда коммунал хизматлар харажатларининг ошиб кетганидир.
Ал-Ғайсга кўра, ушбу ҳолатлар энергетика соҳасига «узоқ йиллар давомида сармояларнинг сурункали етишмаслиги» билан боғлиқ. «Бу улкан муаммо. Комплекс ечимлар қабул қилиш зарур», — таъкидлади у.
ОПЕК раҳбарининг фикрича, глобал рецессия (турғунлик) эҳтимоли анча паст.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter