Путин ва Шавкат Мирзиёев шахсий учрашувдан аввал телефонда суҳбатлашди
Россия Федерацияси президенти Владимир Путин Ўзбекистон Республикаси президенти Шавкат Мирзиёев билан юзма-юз учрашувдан олдин телефон орқали мулоқот қилди. Бу ҳақда Кремльнинг расмий сайтида хабар қилинди.
Россия раҳбари телефон орқали мулоқотда Ўзбекистон Республикаси президенти Шавкат Мирзиёевни туғилган куни билан табриклади. Нашрнинг маълум қилишича, аввалроқ Путин ўзбекистонлик ҳамкасбига табрик телеграммаси жўнатган.
Шавкат Мирзиёев, ўз навбатида, Россияда футбол бўйича ўтказилган жаҳон чемпионати юқори савияда ташкиллаштирилганини таъкидлади.
«Шу йил куз ойида Россия президентининг Ўзбекистон Республикасига расмий ташрифи режалаштириляпти. Иккала давлат раҳбарлари икки томонлама ҳамкорликнинг энг муҳим масалаларини муҳокама қилишди», – дейилади хабарда.
Шунингдек, раҳбарлар кун тартибидаги халқаро ва минтақавий масалаларни ҳам гаплашиб олишди.
Аввалроқ Россия Президенти Владимир Путин куз ойида Ўзбекистонга ташриф буюриши ҳақида хабар қилган эдик.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter