«Barselona» yangi futbolchisini tanishtirdi
«Barselona» klubi «Tuluza»dan xarid qilingan yosh himoyachi Jan-Kler Todiboni muxlislarga tanishtirdi.
19 yoshli futbolchi kataloniyaliklar klubi bilan 4,5 yillik shartnoma imzoladi.
Aslida, Todibo 1 iyuldan so‘ng erkin agent sifatida «Barsa»ga o‘tishi kerak edi, ammo yakunda klublar kelishuv shartlarini o‘zgartirishdi va futbolchi qishdayoq Barselonaga ko‘chib o‘tdi. Jan-Kler yangi jamoasida 6-raqamda o‘ynaydi.
Fransiya chempionatining ushbu mavsumida u 10ta o‘yin o‘tkazib, bitta gol urgan. U 2018-yil noyabr oyida klubi bilan shartnomasini uzaytirishdan bosh tortgani uchun asosiy tarkibdan chetlatilgan edi.
Eslatib o‘tamiz, avvalroq «Barselona» Braziliyadan 20 yoshli himoyachi Emersonni ham sotib olgani ma’lum qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter