Toshkent avtovokzalida «O‘zmobayl» zamonaviy xizmatlar ko‘rsatadi
Yaqin kunlarda poytaxtimiz, umuman O‘zbekiston uchun ham juda muhim loyiha — Toshkent avtovokzali ochiladi.
Yangi avtovokzal O‘zbekiston poytaxti va o‘nlab shaharlarni tutashtiradi. Ikki qavatli avtovokzal eng yangi texnologiyalar bilan ta’minlangan, xalqaro standartlar asosida ishlaydi, sayyohlarning barcha ehtiyojlarini qondirishga qodir. Avtovokzal hududida bir nechta do‘kon, milliy sovg‘alar do‘konlari, bankomatlar, shuningdek, «UZMOBILE» abonentlariga xizmat ko‘rsatuvchi zamonaviy ofislar ishga tushirildi.
«O‘zbektelekom» AK «O‘zmobayl» filialining bu yerdagi yangi ofisi barcha mijozlarga —respublikamiz aholisiga ham, chet ellik sayyohlar uchun ham tezkor, sifatli va professional xizmat ko‘rsatish uchun zarur uskuna va qurilmalar bilan jihozlangan.
Yuqori malakali xodimlar, zamonaviy ofis, qulay sharoitlar — bularning hammasi avtovokzal foydalanuvchilari uchun ko‘ngildagidek xizmat ko‘rsatadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter