Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

У қўрқоқларча ўлди — Трамп Бағдодий ўлдирилганини тасдиқлади

У қўрқоқларча ўлди — Трамп Бағдодий ўлдирилганини тасдиқлади

АҚШ президенти Доналд Трамп ИШИД раҳбари Абу Бакр ал Бағдодий ўлдирилганини расман тасдиқлади. Бу ҳақда у махсус баёнот билан қилган чиқиши давомида айтиб ўтган.

«АҚШ «биринчи рақамли террорчи»нинг ўлимида масъул. Абу Бакр ал Бағдодий ўлдирилди», — деб айтиб ўтган Трамп.

У шу билан бирга Бағдодий билан биргаликда унинг маслакдошлари ҳам йўқ қилинганини билдирган. Ал Бағдодий ҳарбий амалиёт чоғида баданига тақиб олган портлатувчи моддалар бор камарни портлатиб юборган ва вафот этган.

«У йиғлаб қочиб бораркан, қўрқоқларча ўлим топди», — деди Трамп. Хабар қилинишича, амалиёт давомида америкалик ҳарбийлар томонидан бирорта йўқотиш бўлмаган ва 11 нафар болалар озод қилинган.

Бағдодий йўқ қилинган амалиётда Ироқ ҳарбийлари ҳам муҳим аҳамият касб этгани хабар қилинди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг