Андроид қурилмалар учун Xabar.uz мобил иловаси. Юклаб олиш ×

Президент ТИВ ва Марказий банкка «ebay», «Amazon» ва «Paypal» билан музокаралар ўтказишга топшириқ берди

Президент ТИВ ва Марказий банкка «ebay», «Amazon» ва «Paypal» билан музокаралар ўтказишга топшириқ берди

Фото: «Timetoast»

Шавкат Мирзиёев «Электрон тижоратни жадал ривожлантириш чора-тадбирлари тўғрисида»ги қарорни имзолади. Қарор матни «ЎзА»да эълон қилинди.

Унга кўра, мамлакатда электрон тижоратни ривожлантириш учун қулай шарт-шароитлар яратиш, товарлар (хизматлар)ни интернет тармоғи орқали реализация қилиш учун замонавий механизм ва тартиб-таомилларни жорий қилиш, маҳаллий тадбиркорлик субъектлари маҳсулотларини экспорт қилиш географиясини кенгайтириш ва ҳажмини ошириш мақсадида бир қатор вазифалар белгиланди.

Шунингдек, электрон тижорат билан шуғулланишда бир қатор енгилликлар берилди.

Қарорда Ўзбекистон Республикаси Ташқи савдо вазирлиги Марказий банк билан биргаликда бир ой муддатда етакчи хорижий савдо майдончалари (ebay, Amazon ва бошқалар), тўлов тизимлари (Paypal) билан музокаралар ўтказишни ташкил этиши ва ўтказилган музокаралар якуни бўйича маҳаллий тадбиркорлик субъектларига ушбу савдо майдончалари ва тўлов тизимлари орқали товарлар (хизматлар)ни реализация қилиш ва ҳисоб-китобларни амалга ошириш имконини яратиш бўйича аниқ таклифларни Ўзбекистон Республикаси Президенти девонига киритиши белгиланди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг