Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Назарбоев лотинга асосланган янги қозоқ алифбосини тасдиқлади

Назарбоев лотинга асосланган янги қозоқ алифбосини тасдиқлади

Ҳукумат  2025 йилга қадар даврий нашрларни, ҳужжатларни ва кўчалар номларини лотинга ўтказишни режалаштирмоқда.

Фото: «news.tj»

«Қозоқ алифбосини кириллдан лотин графикасига ўтказиш тўғрисида»ги  фармонга ўзгартиш киритиш тўғрисида Назарбоев томонидан 19 феврал куни имзоланган фармон Оқўрда сайтида бугун эълон қилинди, дея хабар беради tnews.uz нашри.

Фармонда тавсия қилинган лотин графикасидаги ҳарфлар қозоқ тилининг муаян товушларини кўрсатиш учун учун акс эттирилган диакритик белгилари бўлган ҳарфлардан фойдаланишни назарда тутади. «Ш» ва «Ч» товушлари — Sh ва Ch ёзув белгиларида акс эттирилиши кўзда тутилган.

Назарбоевнинг янги фармони эълон қилинган кундан бошлаб ҳаракатга киритилади.

Бундан аввал Назарбоев томонидан тасдиқланган лотин ёзувидаги қозоқ алифбоси муайян товушларни белгилаш учун тутиқ белгиларидан фойдаланишни кўзда тутарди. Тутиқ белгиси мавжуд бўлган алифбо қабул қилинганидан сўнг ҳукуматга қозоқ тили алифбосини лотин графикасига ўтказиш бўйича Миллий комиссия тузиш ва қозоқ  тили алифбосини «босқичма босқич» 2025 йилга қадар лотин графикасига ўтказишни таъминлаш топширилди. Ҳукумат  2025 йилга қадар даврий нашрларни, ҳужжатларни ва кўчалар номларини лотинга ўтказишни режалаштирмоқда.

Тутиқ белгисидан фойдаланишни кўзловчи алифбо тасдиқланганидан сўнг мамлакатда унинг асосида китоблар нашр қилинди, айрим давлат идораларидаги расмий  пешлавҳалар ўзгартирилди.

Қозоғистонда тутиқлар ишлатиладиган алифбодан аввал –  диграфалар бўлган алифбо таклиф қилинган эди. Бироқ ҳар икки алифбо жамоатчилик ва бир қатор филологлар томонидан танқид қилинди.

 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг