Урганч–Хива йўналишида янги пуллик автомобил йўли қурилади
Урганч–Хива йўналишида автомобил йўли барпо этилади. Бу ҳақда Хива шаҳар ҳокимлиги хабар берди.
Хоразм вилоятида транспорт инфратузилмасини тубдан яхшилаш мақсадида Урганч–Хива йўналишида янги пуллик автомобил йўли қурилиши режалаштирилмоқда. Мазкур лойиҳа замонавий талабларга жавоб берувчи, юқори тезлик ва хавфсизликни таъминлайдиган йўл инфратузилмасини яратишга қаратилган.
Лойиҳа доирасида умумий узунлиги 32 километр бўлган янги автомобил йўли барпо этилади. Ушбу йўл мавжуд йўналишларга муқобил бўлиб, транспорт қатновини сезиларли даражада енгиллаштиради, сафар вақтини қисқартиради ва ҳаракат хавфсизлигини оширади. Йўл тўлиқ фойдаланишга топширилгач, ундан фойдаланиш пуллик асосда амалга оширилади.
Янги автомобил йўли ишга туширилиши натижасида Урганч ва Хива шаҳарлари ўртасидаги қатнов сифати яхшиланади, юк ва йўловчи ташиш жараёнлари тезлашади ҳамда ҳудуднинг инвестицион ва туристик жозибадорлиги ошади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter