Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Ё бизни, ё эрингни танла». Қиз ота-онанинг сўзини икки қилиши мумкинми?

«Ё бизни, ё эрингни танла». Қиз ота-онанинг сўзини икки қилиши мумкинми?

Фото: «Zamin.uz»

— Ота ёки она қизига «Ё бизни, ё эрингни танла» деяпти. Аёл оиласини сақлаб қолиш учун ота-онанинг гапига кирмаслиги мумкинми?

— Бизнинг шариатда ҳар инсон яхшиликка буюрилган. Бегоналар у ёқда турсин, буюрувчи киши ота-она ёхуд устоз бўлса ҳам, модомики ёмонликка чорласа, қулоқ солмасликка, ношаръий ишларни буюришса, бажармасликка ҳақли. Айтиладики, Холиққа, яъни Аллоҳга маъсият (гуноҳ) бўладиган ишда махлуққа (яратилмиш кимсаларга, одамларга) итоат йўқдир.


Мавзуга доир:

Пул эмас, лафз инфляцияга учрамоқда


Бизда ҳамиша оила муқаддас саналган, қандай қилиб бўлмасин, уни мустаҳкамлашга, бузилиш хавфи бўлганда сақлаб қолишга тарғиб қилинган. Юқоридаги ҳолатда, қанчалик аччиқ бўлмасин, ота ёки она фарзандни гуноҳ ишга чорлаяпти ва бу талабни бажармасликда гуноҳ йўқ.

Келинг, шу ўринда мен халқимизга хос одатлардан бирини айтиб ўтай.

Айрим оилаларда келинни ўғил учун эмас, қайнона ва қайнота учун олишади. Келинмисан, бизнинг барча хизматимизни қилишинг шарт, деган бемаъни талаб қўйилади. «Биз» деганда қайнона билан қайнота назарда тутилса, кошкийди! Куёв бўлмишнинг барча қариндош-уруғи ўша келинга хизматини қилдириш пайида. Ваҳоланки, келин ҳеч қачон мажбурланмаслиги керак. Ҳатто, фарзанд кутаётган, жисмоний ва руҳий жиҳатдан толиққан, минг бир азобни бошидан кечираётган келинларга ҳам оғир иш буюрадиганлар бор.


Мавзуга доир:

Сеҳр-жодунинг яратилишидаги ҳикмат нелигини биласизми?


Кўп келинларнинг қўлидан супурги тушмайди, ҳатто, куёви билан тузукроқ саломлашолмайди. Ҳолбуки, шариатимизда аёл киши эрининг ишдан келишидан бир соат олдин яхшилаб пардоз-андоз қилишга чақирилади.

Хайриятки, ёшларни тушунадиган, илмли, инсофли ота-оналаримиз, қайнота-қайноналаримиз ҳам жуда кўп. Шундай инсонлар борлиги туфайли ҳам халқимизда қиз болага: «Борган жойингда эрингни, унинг ота-онасини, ака-ука, опа-сингилларини ҳурмат қил» дея тарбия берилади. Ҳурмат-эҳтиром кўрсатиш жуда яхши, келинлар ўзлари тушган хонадон хизматини қилишлари ҳам яхши, савобли иш, фақат бунда ҳам меъёр, мезонлар борлигини унутмаслигимиз жоиз.


Саволга Ўзбекистон мусулмонлари идораси раисининг ўринбосари, шайх Абдулазиз Мансур жавоб берди.

«Маънавий ҳаёт» журналидан олинди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг