Андроид қурилмалар учун Xabar.uz мобил иловаси. Юклаб олиш ×

Ўзбек киносида оғир жудолик. Шуҳрат Аббосов вафот этди

Ўзбек киносида оғир жудолик. Шуҳрат Аббосов вафот этди

Фото: «Спутник»

Бугун, 25 апрель куни СССР халқ артисти, Ўзбекистон халқ артисти, таниқли режиссёр Шуҳрат Аббосов ҳаётдан кўз юмди. Бу ҳақда «Xabar.uz»га у кишининг шогирди, режиссёр Рустам Саъдиев маълум қилди.

Шуҳрат Аббосов 1931 йилнинг 16 январида Фарғона вилоятининг Қўқон шаҳрида таваллуд топган. Унинг «Маҳаллада дув-дув гап», «Тошкент — нон шаҳри», «Отамдан қолган далалар» каби бир қатор фильмлари халқ қалбидан жой олган.

Сўнгги кунларда Шуҳрат Аббосов соғлиги ёмонлашгани сабабли шифохонада даволанаётган эди.

«Xabar.uz» ахборот-таҳлилий портали марҳумнинг оила аъзолари ва яқинларига чуқур ҳамдардлик билдиради.


Таржимаи ҳоли
 
1949 йил – А.Островский номидаги Тошкент театр ва рассомчилик институти 

1958 йил – “Мосфильм” қошидаги олий режиссёрлик курси («Мосфильм» қошидаги олий режиссёрлик курсига ўқиш учун Москва шаҳрига 1956 йили йўлланма олган).
 
Мукофотлари
 
1963 йил – Халқ артисти, Давлат мукофоти лауреати, профессор. 

«Шуҳрат» медали, «Эл-юрт ҳурмати» ордени.
 
1959 йил – «Маҳаллада дув-дув гап» – постановкачи-режиссёр 

1959 йил – «Сен етим эмассан» – постановкачи-режиссёр ( Майна шаҳрида бўлиб ўтган ХКФ совриндори) 

1965 йил – «Прозрение» / Қуёш сен учун / - постановкачи- режиссёр 

1967 йил – «Тошкент – нон шаҳри» – постанокачи-режиссёр 

1971 йил – «Муҳаббат можароси» – постановкачи-режиссёр ( Олма-ота да бўлиб ўтган КФ нинг «Энг яхши тасвирий ечим» йўналиши совриндори) 

1974 йил – «Абу Райҳон Беруний» – постановкачи-режиссёр ( Кишинев шаҳрида бўлиб ўтган КФ бош соврини ҳамда Теҳрон ХКФнинг «Олтин дельфин» мукофоти совриндори) 

1980 йил – «Оловли йўллар» – постановкачи-режиссёр (Бокуда бўлиб ўтган КФ бош соврини) 

1990 йил – «Катта урушдаги кичик одам» – постановкачи – режиссёр. 

1998 йил - «Аждодлар замини» – постановкачи – режиссёр (Бухоро шаҳрида бўлиб ўтган миллий КФ бош соврини).
Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг