Гуллар шаҳрида йилнинг энг қайноқ медиа ҳафталиги бўлиб ўтмоқда
Наманган бу ҳафта нафақат гуллари, балки Медиа ҳафталиги билан ҳам бўй таратади! Бугун вилоятда старт олган Медиа ҳафталик ҳудуддаги энг кучли теле-радио ходимлари, матбуот фаоллари, журналистлар, блогерлар ва медиа соҳасига ошуфта ёшларни ягона, улкан медиа майдонда бирлаштирди.
Ҳафталик давомида энг долзарб ва энг қайноқ мавзуларда семинарлар бўлиб ўтади, жумладан:
- Аудитория юрагига йўл топиш сирлари;
- Тезкор ва юқори сифатли контент формуласи;
- Сунъий интеллект (АI) имкониятлари ва медиа келажаги;
- Ижтимоий тармоқлардаги энг сўнгги вирусли тенденциялар.
Ҳар куни соат 17:00 га қадар давом этадиган амалий тренингларда ўз лойиҳаларингизни тақдим этинг, соҳа топ-экспертларидан жавоблар олинг ва ўз имкониятингизни кўрсатинг.
Водий медиа муҳити ҳозир билим, тажриба ва креатив ғоялар билан тўлиб-тошмоқда. Сафга қўшилинг ва контент яратиш санъатини янги босқичга олиб чиқинг!
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter