8-9 ноябрь кунлари пойтахт марказида юк ташувчи машиналарнинг ҳаракатланиши тўлиқ тўхтатилади
![8-9 ноябрь кунлари пойтахт марказида юк ташувчи машиналарнинг ҳаракатланиши тўлиқ тўхтатилади](https://xabar.uz/static/crop/2/4/920__95_2470027984.jpg)
8 ва 9 ноябрь кунлари Тошкентда “Иқтисодий ҳамкорлик ташкилоти”нинг 16-саммити ўтказилади. Шу сабабли пойтахтга юк ташувчи транспорт воситаларининг кириши қисман чекланади. Бу ҳақда Тошкент шаҳар ИИББ хабар қилди.
![](https://xabar.uz/static/uploads/66/qaoMVrORIie-GfJ-Z3e8yD69Pj-Fz9AH.png)
“Ҳурматли юртдошлар, саммит доирасида белгиланадиган вақтинчалик чекловлар сабабли Водийдан Воҳага ҳамда Воҳадан Водийга ҳаракатланиш 4П-12 автомагистрал йўли орқали амалга оширилишини маълум қиламиз”, — дейилади хабарда.
Таъкидланишича, саммит ўтказиладиган кунлари юк ташувчи транспорт воситаларининг пойтахт марказида ҳаракатланиши тўлиқ тўхтатилади.
![](https://xabar.uz/static/uploads/66/eb-aGvjzL4td9La3m3ctm07AUm79hqIc.png)
Бундан ташқари, Иқтисодий ҳамкорлик ташкилотининг 16-саммитини юқори савияда ўтказиш мақсадида 8 ноябрдан 10 ноябргача Тошкент шаҳрининг айрим кўчаларида ҳаракатланиш чекланади. Жумладан:
- Ислом Каримов номидаги аеропорт майдонидан Бобур кўчаси бўйлаб Бобур – Шота Руставели чорраҳасигача;
- Нукус – Бобур чорраҳасидан Нукус кўчаси бўйлаб Мовароуннаҳр кўчасигача;
- Ойбек – Туркистон чорраҳасидан Ойбек, Афросиёб ва Олмазор кўчалари;
- Ислом Каримов – Бунёдкор чорраҳасидан Ислом Каримов кўчаси бўйлаб Амир Темур – Ислом Каримов чорраҳасигача;
- Шароф Рашидов - Афросиёб чорраҳасидан Шароф Рашидов кўчаси бўйлаб Кичик ҳалқа айланма йўлигача;
- Навоий – Мустақиллик чорраҳасидан Навоий – Лабзак чорраҳасигача;
- Фурқат – Бешёғоч чорраҳасидан Бешёғоч кўчаси бўйлаб Ислом Каримов – Бешёғоч чорраҳасигача;
- Олмазор – Ислом Каримов чорраҳасидан Олмазор кўчаси бўйлаб Навоий кўчасигача.
![](https://xabar.uz/static/uploads/66/SJr8qUZS7Jwzu4LPrDsjSzBxmwQ87J6O.png)
“Ҳурматли ҳайдовчилар, шу кунлардан йўлларда тирбандликларни олдини олиш мақсадида айланма йўллардан фойдаланишни тавсия қиламиз”, дейилади хабарда.
Тошкент шаҳар ИИББ ҳаракатланиш чекланган кўчаларда Тез-тиббий ёрдам, фавқулодда вазиятлар бўлинмалари транспорт воситаларига истисно тариқасида ҳаракатланиш учун рухсат берилишини эслатган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter