Смартфон ва ноутбук сингари электрон қурилмаларнинг камераси ва микрофонига рухсатсиз киришни уларнинг ишлашидаги ўзгаришларга қараб аниқлаш мумкин, деб ёзмоқда «Прайм» агентлиги.

Плеханов номидаги Россия иқтисодиёт университети информатика кафедраси доценти Александр Тимофеевнинг айтишича, муаммо кўпинча ушбу функциялар умуман керак бўлмаган иловаларга микрофон ва камерадан фойдаланишга рухсат беришдан келиб чиқади. Жосус ёки зарарли дастурлар кўпинча смартфонларнинг ишлашини ўзгартиради.

«Кузатувчи ёки вирусли дастурий таъминот мавжудлигининг энг эҳтимолий белгиси — смартфондаги функциялар, умуман, телефоннинг ўзи секин ишлашидир», — деди Тимофеев.

Смартфон ҳеч қандай сабабсиз қотиб ишласа ёки камераси индикатори ўз-ўзидан ёниб-ўчса катта эҳтимол билан у кузатилаётган бўлади.

Хусусан, iPhoneда камера фаоллашганини яшил индикатор, микрофонни эса тўқ сариқ индикатор кўрсатади. Тизимнинг ўрнатилган воситалари ёрдамида ушбу компонентларга уланишлар тарихини текшириш мумкин. Рухсатсиз кириш аниқланса, смартфонни завод созламаларига қайтариш керак — албатта, буни эҳтиётлик билан қилган яхши, чунки муҳим маълумотлар ўчиб кетиши мумкин.