Европа Чемпионлар лигасининг 1/8 финалидан ўрин олган «Барселона» – «Лион» баҳсидан сўнг ҳеч қандай сенсация ҳақидаги гап сўзларга ўрин қолмади. Каталонияликлар ўз майдонида йирик, 5:1 ҳисобида ғалаба қозонди.

Францияда кечган дастлабки баҳсда 0:0 ҳисоби қайд этилгандан сўнг аксарият мухлислар «Лион»дан мўъжиза кута бошлаган эди. Аммо жавоб баҳси каталонияликларнинг кетма-кет ҳужумлари билан бошланди ва 18-дақиқада францияликлар дарвозасига белгиланган пенальтини Месси аниқ амалга оширди.

Биринчи бўлимда Филиппе Коутиньо ҳам ўз ҳисобига гол урди. Гарчи иккинчи бўлим аввалида Тузар ҳисобни бироз қисқартирган бўлса-да, «Барселона» умумий ҳисобда бешта гол киритди. Шулардан 2 таси Лионел Месси ҳисобига ёзилди.

Шу тариқа «Барселона» ишончли ғалаба билан чорак финал йўлланмасини қўлга киритди.

Чемпионлар лигаси
1/8 финал, жавоб баҳси
«Барселона» – «Лион» – 5:1 (2:0, 3:1)
Голлар: 1:0 – 17, пенальти Месси, 2:0 – 31 Коутиньо, 2:1 – 58 Тузар, 3:1 – 78 Месси, 4:1 – 81 Пике, 5:1 – 86 Дембеле.
«Барселона» – тер Стеген, Пике, Альба, Сержи Роберто (Нелсон Семеду, 83), Лангле, Ракитич, Бускетс, Артур (Видаль, 74), Коутиньо (Дембеле, 70), Месси, Суарес.
«Лион» – Антони Лопеш (Горжлен, 34), Марсело, Марсал, Менди (Корне, 77), Денайер, Депай (Траоре, 73), Тузар, Фекир, Ндомбеле, Дюбуа, Дембеле.
Огоҳлантиришлар: Марсал (33), Дембеле (45), Лангле (49).

Илк ўйин – 0:0