Эрдўғон террорчи гуруҳларга кўмак бераяптими?
Судан билан келишмовчиликларга сабаб бўлган Мисрнинг «Абу Умар ал-Мисрийя» сериалида бу сафар Туркия президенти Ражаб Тоййиб Эрдўғоннинг террорчи гуруҳларга кўмак бераётгани саҳналаштирилган. Бу ҳақда «Haber7» хабар бермоқда.
Мисрнинг «ал-Ҳаёт» телеканалида май ойида намойиш этилган «Абу Умар ал-Мисрийя» сериалида суданликлар террорчиларга ўхшатилган эди.
Судан ҳукумати Мисрнинг Хартумдаги элчихонасига нота юбориши туфайли сериалдаги айрим саҳналар ўчириб ташланган эди.
Судан ташқи ишлар вазирлиги мутасаддиси Ғарибуллоҳ ал-Хадрнинг ёзма баёнотида: «Мисрнинг айрим телеканалларида рамазон ойида эфирга узатилган «Абу Умар ал-Мисрийя» сериалида Суданга келган мисрликларга маҳаллий аҳоли террорчи қилиб кўрсатилган», – дейилган.
Кеча намойиш этилган сериалнинг навбатдаги қисмида эса Туркия президенти Ражаб Тоййиб Эрдўғоннинг террорчи гуруҳларга кўмак бераётгани тасвирланган саҳналар бор.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter