Жом қишлоғига сел келтирган зарар миқдори маълум бўлди
Дастлабки ҳисоб-китобларга кўра, селдан зарар кўрган бино ва иншоотларни қурилиш ва таъмирлаш ишларига 7 млрд. сўм маблағ талаб этилиши аниқланди. Бу ҳақда «Zarnews.uz» ёзмоқда.
Бугунги кунда талофат кўрган хонадон ва бошқа инфратузилма объектларида қурилиш-ободонлаштириш ишлари жадал йўлга қўйилди. Талаб этиладиган маблағлар маҳаллий бюджет ва бошқа манбалар ҳисобидан қопланиши кўзда тутилган.
Ушбу қишлоқларда қурилиш, таъмирлаш ва ободонлаштириш, ижтимоий ва муҳандислик-коммуникация инфратузилмаси объектларини жорий йилнинг 1 августига қадар фойдаланишга топширилиши таъминланади.
Эслатиб ўтамиз, жорий йил 15 майдан 16 майга ўтар кечаси кучли сел келиши оқибатида 71 та, шундан 49 та Гирдиқўрғон, 10 та Жом, 7 та Тегирмонбоши ва 5 та Омондара маҳаллаларидаги аҳоли хонадонлари ва томорқаларига зарар етган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter