Коронавирусга чалинган испан шифохонага ўт қўйди
Коронавирусга чалинган бемор Испаниянинг Кадис шаҳридаги шифохонага ўт қўйди. Бу ҳақда «Diario de Cadiz» хабар бермоқда.
Газетанинг ёзишича, эркак уни қўйиб юборишларини талаб қилган. Рад этилганидан кейин эса спиртли дезинфекцияловчи гелни қўлга киритиб, матрасни ёқиб юборган. Ёнғин шифохонанинг олтинчи қаватида жойлашган иккита палатанинг кулини кўкка совурган.
Ходимлар беморларни эвакуация қилишга муваффақ бўлишди. Ҳеч ким жароҳат олмаган, жиноятчи ҳибсга олинди.
Ёнғин туфайли шифохонанинг учта қавати яроқсиз ҳолга келди. Шаҳарнинг бошқа шифохоналари ва маҳаллий мактаб керак бўлиб қолганда беморларни ётқизишни таклиф қилишди. Аммо зарар кўрган клиниканинг раҳбарияти вазиятни ўзлари ҳал қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter