Африка Миллатлар кубоги финалида Марокашга қарши кечган ўйинда Сенегал миллий жамоасига техник мағлубият ёзилди. Африка футбол конфедерацияси (CAF) финал учрашуви борасидаги якуний ва шов-шувли қарорини эълон қилди.

Қарорга кўра, Марокаш расман қитъа чемпиони деб топилди.

Эслатиб ўтамиз, финал баҳсининг 90+9-дақиқасида ҳакам Марокаш фойдасига пеналти белгилагач, Сенегал футболчилари норозилик сифатида майдонни тарк этишган эди. Орадан 15 дақиқа ўтиб, Садио Мане бошчилигидаги жамоа майдонга қайтган, пеналтини эса Эдуар Менди қайтарган эди. Экстра-таймларда Папе Гуйе гол уриб, Сенегални чемпионликка етаклаганди.

Марокаш томони ўйин тугагач, Сенегал футболчиларининг майдонни ўзбошимчалик билан тарк этгани юзасидан апелляция берган эди. 17 март куни бўлиб ўтган махсус комиссия йиғилишида мазкур ҳолат турнир регламентининг 84-моддасига зид деб топилди.

Гарчи майдондаги баҳс Сенегалнинг ғалабаси билан тугаган бўлса-да, регламент бузилгани сабабли ғалаба Марокашга тақдим этилди. Шу тариқа, Марокаш ўз тарихидаги навбатдаги Африка Миллатлар кубоги олтин медалларига эга чиқди.