Том Крузнинг салкам 1,5 млрд. сўмлик машинасини ўғирлаб кетишди
Таниқли актёр Том Круз «Имконсиз топшириқ-7» филмида суратга тушиш учун Англиянинг Бирмингем шаҳрига келганида номаълум шахслар унинг учун ажратилган BMW X7 русумли кроссовери ва ичидаги пулларини ўғирлаб кетишди.
Том Крузга Англияда хизматда бўлиш учун айнан шу машина ажратилган. Номаълум шахс актёр машинадан тушиб, меҳмонхонага кириб кетаётган пайтда тансоқчини доғда қолдириб, машинани олиб қочган.
Машина нархи қарийб 100 минг фунт стерлинг (тахминан 1,5 млрд. сўм) туради. Аммо актёрни машина эмас, унинг ичидаги бир неча минг фунт пуллари ташвишга солган.
Машина ўғирланиши билан актёрга бошқа улов бириктирилган, йўқолгани эса тезда топилган. Аммо пуллар ва актёрнинг қимматбаҳо буюмлари изсиз йўқолган.
«Имконсиз топшириқ-7» филмининг жаҳон преьераси 2022 йилга мўлжалланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter