Тошкентдан Иссиқкўлга тўғридан-тўғри авиақатнов очилади
Қирғизистоннинг Asman Airlines авиакомпанияси Тошкент ва Иссиқкўл ўртасида янги мунтазам авиақатновни йўлга қўйишни режалаштирмоқда.
«Uzbekistan Airports» вакили билан ўтказилган музокараларда Тошкент – Тамчи (Иссиқкўл) йўналиши бўйича биринчи рейсни 2026 йил 24 июндан бошлаш масаласи муҳокама қилинган. Қатновлар Dash 8-400 туридаги самолётларда амалга оширилиши режалаштирилган.
Келгусида авиакомпания парвозлар географиясини янада кенгайтиришни мақсад қилган. Жумладан, кузда Тошкент – Ўш, қишки мавсумда эса Тошкент – Қоракўл (Каракол)
йўналишларини очиш режалаштирилмоқда.
Шунингдек, Тошкент ва Бишкек ўртасида тўғридан-тўғри авиақатновларни йўлга қўйиш имконияти ҳам кўриб чиқилмоқда.
Томонлар Қирғизистондан Ўзбекистоннинг ҳудудий аэропортлари – Андижон, Фарғона ва Наманганга рейслар очиш масаласини ҳам муҳокама қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter