«Туялардан эҳтиёт бўлинг!»: Қатарда Хитойникидан фарқ қилувчи коронавирусга чалинган бемор касалхонага ётқизилди
Қатар соғлиқни сақлаш вазирлиги маълум қилишича, мамлакат ҳудудида 2020 йилда Яқин Шарқ респираторли синдироми (MERS)га чалинган биринчи бемор аниқланди. Бу ҳақда «Life» ёзмоқда.
MERS — коронавирус тури.
«Коронавирус билан касалланиш 65 ёшли қатарликда аниқланди, у ҳозир тегишли тиббий ёрдам кўрсатиш учун касалхонага ётқизилган», — дейилади Қатар ССВ хабарида.
Вазирлик ушбу касаллик ташувчиси бўлган туяларга яқин йўламасликни, касаллик аломатлари пайдо бўлиши биланоқ шифокорларга мурожаат қилиш кераклигини тавсия қилган.
Қатарда Хитойдан тарқаган янги турдаги коронавирус билан касалланганлар йўқлигини ҳам вазирлик қўшимча қилган. Арабистон яриморолида Хитой коронавируси етиб келган ягона мамлакат Бирлашган Араб Амирликлари саналади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter