Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Президент Хоразм вилоятига сафарини якунлаб, Тошкентга келди

Президент Хоразм вилоятига сафарини якунлаб, Тошкентга келди

Фото:Президент матбуот хизмати

Президентимиз Шавкат Мирзиёев ташаббуси билан Урганч шаҳри марказида Жалолиддин Мангуберди мемориал боғини барпо этиш режалаштирилган.

Давлатимиз раҳбари 30 ноябрь куни, Хоразм вилоятига сафари якунида Ал-Хоразмий ва Паҳлавон Маҳмуд кўчалари кесишмасидаги ушбу майдонга ташриф буюриб, қурилиш лойиҳалари билан танишди.

Жалолиддин Мангуберди ҳайкали буюк бобомизнинг жасорати ва шону шавкатига мос маҳобатли бўлиши, унинг атрофидан нур таралиб туриши кераклигини таъкидлади.

- Бу майдонда тарихимиз намоён бўлиши, у Хоразмнинг «ташриф қоғози»га айланиши керак. Шунинг учун тарихчи олимлар билан маслаҳатлашиб, майдонни чуқур мазмунли, чиройли, жозибали қилиш зарур, - деди Шавкат Мирзиёев.

Президентимиз боғ ҳудудини кенгайтириш ва ободонлаштириш, ҳар бир элементда қадимийликни акс эттириш бўйича ўз тавсияларини берди.

Шу ерда Урганч шаҳри марказини батафсил режалаштириш, кўп қаватли уй-жойлар қуриш, иссиқлик ва ичимлик суви таъминотини яхшилашга доир лойиҳалар бўйича ҳам маълумот берилди.

Шундан сўнг, Президент Хоразм вилоятига ташрифини якунлаб, Тошкентга қайтиб келди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг