Португалиялик мураббий Жозе Моуриньо «Реал Мадрид» бош мураббийи этиб тайинланди. Нуфузли инсайдер Фабрицио Романонинг сўзларига кўра, мураббий икки йиллик шартнома имзолаган. Моуриньонинг тайинланиши ҳақида расмий эълон тез орада айтилиши кутилмоқда. 

Аввалроқ бельгиялик инсайдер Сача Таволиэри Моуринонинг Мадридга қайтиши ҳақида хабар берган эди. Унинг сўзларига кўра,«Реал Мадрид» ва португалиялик мураббий ўртасидаги келишув тўлиқ келишиб олинган. 

Аввалроқ «Реал Мадрид» мураббийнинг шартномасини муддатидан олдин бекор қилгани учун «Бенфика» га компенсация тўлаши ҳақида хабар берилган эди. Бундан ташқари, португалиялик мураббийга трансфер сиёсати ва асосий жамоа ичидаги ички интизом бўйича кенг ваколатлар берилиши кутилмоқда. 

Моуриньонинг қайтиши Мадрид клубининг муваффақиятсиз мавсуми билан боғлиқ.«Реал Мадрид» 2025/26 йилги мавсумни совринсиз якунлади. 

Жозе Моурино илгари 2010 йилдан 2013 йилгача «Реал Мадрид» ни бошқарган. Бу даврда Мадрид клуби Испания лигаси, Испания кубоги ва Испания суперкубогида ғолиб чиққан. 

Шунингдек, у «Порту»,«Челси»,«Интер Милан», «Манчестер Юнайтед» ва «Тоттенхем Хотспур» ни бошқарган.