Москва шаҳар терапевтлар илмий жамияти раиси, профессор Павел Воробьёв «АиФ» нашрига берган интервюсида кексалик неча ёшдан бошланиши ҳақида сўз юритди.

Экспертнинг таъкидлашича, расман 60 ёшдан ошганлар кекса ёшлилар ҳисобланади. Бироқ амалда бу кўрсаткич пастроқ бўлиши мумкин, чунки қариш билан боғлиқ касалликлар аксарият ҳолларда анча эрта ривожланади. Масалан, кардиопатия (юрак касалликлари) 45 ёшлиларда учраса, қандли диабет ҳатто ёшларда ҳам пайдо бўлиши мумкин. Шунингдек, Воробьёв қарилик ёши кечикиши ҳам мумкинлигини қайд этди.

«Кўпчилик 50 ёшида оила қуриб, фарзандли бўлмоқда. Афсуски, аёлларда репродуктив ёш 60 ёшдан кейин тугайди. Аммо эркаклар 60 ёшдан кейин ҳам фарзанд кўриш қобилиятига эга. Бугунги кунда айрим 60 ёшлилар аввалги 40 ёшлилардек кўринади. 75–80 ёшда эса кўпчилик самарали меҳнат қилиб, нормал ҳаёт кечирмоқда», — деб таъкидлади шифокор.

Воробьёвнинг аниқлик киритишича, умр кўриш давомийлигига кўплаб омиллар, хусусан, генетика таъсир қилади. Бироқ энг муҳим аҳамиятга эга бўлган омил — бу атроф-муҳит ва биринчи навбатда, инсоннинг овқатланиш тартибидир.