Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Полициячилар «iPhone»ларни уларнинг эгаси вафот этгач блокдан чиқара олади

Полициячилар «iPhone»ларни уларнинг эгаси вафот этгач блокдан чиқара олади

Фото: «Hi-tech.mail.ru»

Полициячиларга жиноятчининг «iPhone» смартфонини блокдан чиқаришга рухсат бериш борасидаги баҳс-мунозаралар ҳамон давом этмоқда. «Apple» бу борада бир овоздан «йўқ» жавобини берди. Бироқ жиноятчи (ёки оддий фуқаро) вафот этгудек бўлса, полиция «Touch ID» ёки «Face ID»дан фойдаланган ҳолда унинг смартфонига киришга тўлақонли ҳақли, деб хабар берди «Hi-tech.mail.ru».

Сан-Бернардинода содир бўлган отишмадан сўнг, «Apple» техник жиҳатдан ўз «iPhone»ларини блокдан чиқара олмаслигини, чунки фойдаланувчиларнинг шифр калитларини сақламаслигини маълум қилганди. Аммо манбаларнинг тасдиқлашича, эндиликда смартфон эгаси ўлган бўлса, полицияга «Apple»нинг ёрдам керак эмас. Унга шунчаки марҳумнинг бармоғи ёки боши керак (смартфони «iPhone X» бўлган ҳолатларда).

Ўлган инсоннинг бармоғидан фойдаланган ҳолда «iPhone»ни блокдан чиқариш мумкинми? Федерал қидирув бюроси 2016 йилда буни уддалай олмаганди, аммо янги маълумотларга кўра, полиция ушбу усулдан мунтазам фойдаланиб келмоқда.

Аксарият юристларнинг таъкидлашича, бу каби ҳаракатлар қонуний ҳисобланади. Чунки вафот этган инсон шахсий даҳлсизлик ҳуқуқига эга бўлмайди.

Миш-мишларга кўра, суд тиббиёти экспертлари хакерлар билан биргаликда «Face ID»ни бузиб ўтиш устида ҳам иш олиб бормоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг